راولپنڈی(این این آئی)وفاقی دارالحکومت اسلام آباد سے متصل شہر راولپنڈی کے علاقہ ڈھیری حسن آباد میں نامعلوم افراد نے ایک گاڑی پر فائرنگ کر دی جس کے نتیجے میں وکیل عمران شیخ جاں بحق ہوگئے ۔راولپنڈی پولیس کے مطابق فائرنگ کے نتیجے میں گاڑی میں سوار ایڈووکیٹ شیخ عمران جاں بحق ہو گئے۔پولیس کے مطابق ایڈووکیٹ شیخ عمران بچوں کو اسکول چھوڑ کر گھر واپس آ رہے تھے کہ ملزمان نے گھات لگا کر انہیں قتل کر دیا اور باآسانی فرار ہو گئے۔پولیس کے مطابق واقعہ ٹارگٹ کلنگ لگتا ہے تاہم تحقیقات کے بعد صورتِ حال واضح ہو گی۔مقتول ایڈووکیٹ شیخ عمران کی لاش کو پوسٹ مارٹم کے لیے ہسپتال منتقل کر دیا گیا ہے۔

موضوعات:وکیل