کراچی (مانیٹرنگ ڈیسک) امیر جماعت اسلامی کراچی حافظ نعیم الرحمان نے انتخاب کے نتائج میں تاخیرپر عوام سے پولنگ اسٹیشنوں کے گھیراؤ کا حکم دے دیا ہے، میڈیا سے بات چیت کرتے ہوئے ان کا کہنا تھا کہ یہ ہمارا آئینی، جمہوری اور قانونی حق ہے کہ ہمیں گنتی کرکے نتائج دیے جائیں، چیف الیکشن کمشنر اور سیکرٹری الیکشن کمیشن کے واضح احکامات کے باوجود ہمیں فارم 11 اور 12 نہیں دیے جا رہے۔ ان کا کہنا تھا کہ عوام کے مینڈیٹ پر شب خون نہیں مارنے دیں گے، انہوں نے کہا کہ جماعت اسلامی ہر جگہ پر نمبر ون پارٹی کی پوزیشن میں موجود ہے۔

موضوعات:حافظ نعیم