واشنگٹن(این این آئی )جنوبی امریکا میں شدید بارش نے تباہی مچادی ہے جہاں طوفانی بگولوں کے نتیجے میں کم از کم 7 افراد ہلاک ہوگئے ۔غیر ملکی خبر رساں کے مطابق نیشنل ویدر سروس نے دن کی اوقات میں بارش کے دوران 45 طوفانی بگولوں کی اطلاع دی،

تاہم اس میں مزید اضافہ بھی ہو سکتا ہے۔ایمرجنسی سروسز کے ڈپٹی ڈائریکٹر گیری ویور نے کہا کہ الاباما کی وسطی اوٹاگا کاونٹی میں طوفانی بگولوں کی وجہ سے چھ افراد ہلاک ہو گئے۔سیلما کے قریبی شہر میں طوفانی بگولوں نے شہر کے مرکزی علاقے کو شدید نقصان پہنچایا جہاں گھروں کی چھتیں اکھڑ گئیں جبکہ درخت بھی گرگئے۔ریاست سیلما کے میئر جیمز پرکنز نے کہا کہ طوفان نے واضح طور پر نقصان پہنچایا ہے،انہوں نے شہریوں پر سڑکوں اور بجلی کی گرتی ہوئی لائنوں سے دور رہنے پر زور دیا ہے۔طوفان کا سلسلہ پڑوسی ریاست جارجیا کے مشرق میں بھی جاری ہے جہاں درخت گرنے سے ایک 6 سالہ بچی ہلاک ہوگئی۔طوفانی بگولے ایک موسمی رجحان ہیں جس کی پیشن گوئی کرنا مشکل ہوتا ہے اور یہ امریکا بالخصوص ملک کے وسطی اور جنوبی علاقوں میں عام ہے۔خیال رہے کہ اس سے قبل گزشتہ برس نومبر میں الاباما اور مسیسیپی میں 36 طوفانی بگولوں کی اطلاع ملی تھی جس کی وجہ سے دو افراد ہلاک ہوئے تھے۔