ماسکو(این این آئی)روس نے راکٹ حملے میں 600سے زائد یوکرینی فوجی مارنے کا دعویٰ کردیا۔غیرملکی خبررساں ادارے کے مطابق روسی وزارت دفاع نے اس حوالے سے کہاکہ کراما تورسک قصبے میں یوکرینی فوج کے عارضی ٹھکانوں کو نشانہ بنایا گیا، کراماتورسک راکٹ حملے میں 600سے زیادہ یوکرینی فوجی ہلاک ہوئے۔روسی وزارت دفاع نے کہا کہ کراما تورسک حملہ ماکیوکا میں روسی فوج پر یوکرینی حملے کا جواب ہے۔ روسی وزارت دفاع نے کہاکہ پچھلے ہفتے روس کے زیر قبضہ علاقے ماکیوکا میں یوکرینی فوج کے حملے میں 89 روسی فوجی مارے گئے تھے۔