نیویارک(نیوز ڈیسک) امریکہ اور میکسیکو کے سمگلروں نے نایاب نسل کی مچھلی کا مثانہ نکال کر اسے سارے امریکہ اور چین میں ہزاروں ڈالر کے عوض بیچنا شروع کردیا ہے اور اس سے کروڑوں ڈالر کمالیے، انکشاف ہوا ہے کہ یہ حصہ مردانہ کمزوری کی ادویات کے لئے استعمال کیا جارہا ہے۔ مچھلیوں کوخلیج کیلیفورنیا سے ہزاروں کی تعداد میں پکڑا گیا جس کی وجہ سے ان کی نسل ختم ہونے کے قریب پہنچ گئی۔ ٹوٹوبا نامی مچھلی کا ایک مثانہ سات سے چودہ ڈالر میں فروخت ہوتا رہا جبکہ مثانے کا سوپ تقریباً 25000 ڈالر تک بکتارہا۔ اس مچھلی کا شکار اور تجارت میکسیکو کے مافیا میں خونی جنگوںکا بھی باعث بن گیا ہے اور اطلاعات کے مطابق مشہور سمگلر سیموئیل کاسترو کو بھی مچھلیوں کے بدلے 10 لاکھ ڈالر کی ادائیگی نہ کرنے پر قتل کیا گیا۔ امریکہ کے علاوہ مشرقی ممالک خصوصاً چین میں بھی ٹوٹوبا مچھلی کے مثانے کی بے پناہ مانگ ہے۔ میکسیکو کے حکام نے صرف سال 2013ئ کے دوران ٹوٹوبا کے جو مثانے سمگلروں سے بازیاب کروائے ان کی مالیت تقریباً تئیس لاکھ ڈالرہے۔