لاہور(نیوزڈیسک)ن لیگی وزیرنے الیکشن کمیشن پروارکردیاجس پرایک نئی بحث شروع ہوگئی ہے ۔ .وزیر ریلوے خواجہ سعد رفیق کا کہنا ہے کہ الیکشن ٹریبونلز کے3ججوں کو توسیع نہ دینے کا فیصلہ الیکشن کمیشن کا ہے،حکومت کا نہیں،استعفوں کے معاملے میں جو رویہ پی ٹی آئی سے تھا وہی ایم کیو ایم سے ہے،پیپلزپارٹی سے لڑائی نہیں کریں گے۔ لاہور کی ریلوے والٹن اکیڈیمی میں ریلوے کے63 ویں ریکروٹ کورس کی پاسنگ آؤٹ پریڈ کی تقریب ہوئی،چاک و چوبند 46 لیڈیز سمیت 502 کمانڈوز نے پریڈ میں حصہ لیا،،ملی نغموں کی دھنوں پر وزیر ریلوے کو سلامی پیش کی گئی۔ وزیر ریلوے خواجہ سعد رفیق نے اپنے خطاب میں کئی ٹارگٹ حاصل کرنے کی نوید سنائی تو چیلنجوں کا بھی ذکر کیا۔ میڈیا سے گفتگو میں خواجہ سعد کا کہنا تھا کہ مسلم لیگ ن ، این اے 125 کا مقدمہ عدالت میں جبکہ این اے 122 اور 154کا عوامی عدالت میں لڑے گی۔ ان کا کہنا تھا کہ الیکشن ٹریبونلز کی تعیناتیوں کا الیکشن کمیشن ذمےدار ہے،الیکشن ٹریبونلز کے3ججوں کو توسیع نہیں ملی تو یہ فیصلہ الیکشن کمیشن کا ہے۔ خواجہ سعد رفیق کا کہنا تھا کہ ریلوے پولیس اہلکاروں کی تنخواہوں میں اضافے کا کیس وزیر اعظم سیکرٹریٹ پہنچ گیا ہے،جلد خوشخبری ملے گی۔