کراچی (آن لائن)سابق کپتان شاہد آفریدی نے شعیب اختر کی ذہنی طور پر مضبوط ہونے کی صلاحیت کو سراہا اور کہا کہ شعیب اختر جسمانی تو نہیں ذہنی طور پر خاصے مضبوط تھے، وہ انجریز ہونے کے باوجود، درد کش دوائیں کھاکر، انجیکشن لگواکر بولنگ کرتے تھے اور پھر آ ؤٹ بھی کرتے تھے

وہ ایک الگ قسم کے انسان تھے کیونکہ اتنی انجریز کے ساتھ کوئی بھی شعیب اختر کی طرح نہیں کھیل سکتا۔ راولپنڈی ایکسپریس شعیب اختر کے شاہین شاہ آفریدی سے متعلق دیے گئے بیان پر ردعمل دیتے ہوئے شاہد آفریدی نے نجی ٹی وی کے پروگرام میں کہا کہ شعیب اختر نے دنیا کے بلے بازوں کو ہلا کر رکھا ہوا تھا کیونکہ ان کے پاس پیس تھا، اگر ان کی انجریز نہ ہوتیں وہ لوگوں کے سر توڑ دیتے، وہ ایک الگ قسم کا بولر تھا لیکن میں نہیں چاہتا شاہین کو اگر انجریز ہو جائے اور وہ 80 فیصد ریکوری کے ساتھ کھیلے لہٰذا اس کو باقاعدہ احتیاط سے کھلایا جائے۔ شاہد ا?فریدی سے سوال کیا گیا کہ حال ہی میں شعیب نے مشورہ دیا ہے کہ فائنل کے روز شاہین کو درد کش دوا لگاکر کھلا لینا چاہیے تھا ا?پ کی اس بارے میں کیا رائے ہے؟اس کے جواب میں سابق کپتان کا کہناتھا کہ ’میں نہیں سمجھتا تھا کہ یہ جائز بات ہے کیوں کہ پین کلر کے سائیڈایفیکٹ ہیں، وقتی طور پر تو درد ختم ہوجاتا ہے لیکن پھر تکلیف بڑھ جاتی ہے‘۔