اسلام آباد (نیوز ڈیسک)اگر آپ اپنے چھوٹے قد کی وجہ سے پریشان ہیں تو دل چھوٹا نہ کریں کیونکہ آج ہم آپ کو چند ایسی ورزشیں بتائیں گے جن پر عمل کرکے آپ اپنے قد میں اضافہ کرسکتے ہیں۔
لٹکیں
قد لمبا کرنے کے لئے سب سے معروف ورزش لٹکنا ہے۔کسی بھی پول کے ساتھ اپنے دونوں ہاتھوں کو اٹھاکر پکڑ کر لٹکیں۔کشش ثقل کی وجہ سے ہمارے جسم کی ہڈیاں لمبی ہونا شروع ہوجاتی ہیں۔
تیراکی
اگر آپ تیراکی کریں گے تو آپ کے جسم کے تمام پٹھے حرکت میں آئیں گے جس کی وجہ سے ان کی نشوونما میں بہتری اور تیزی آئے گی۔لہذا کوشش کریں کہ ہفتے میں کم از کم دوباریا پانچ گھنٹے ضرور تیراکی کی جائے۔
اچھلیں
اچھلنے سے بھی پٹھے حرکت میں آئیں گے اوران کی نشوونما میں مدد ملے گی۔لٹکنا اور اچھلنا قد لمبا کرنے کے لئے انتہائی سازگار ورزشیں ہیں۔
باسکٹ بال کھیلیں
اگر آپ باسکٹ بال کھیلیں گے تو اس میں آپ کو چھلنا پڑے گا جس کی وجہ سے آپ کے قد میں اضافہ ہوگا۔
ٹخنوں پر وزن باندھیں
ٹخنوں پر وزن باندھ کر بھاگنے یا چلنے سے بھی قد میں اضافہ ہوتا ہے۔وزن کی وجہ سے ہمیں زیادہ تگ و دو کرنی پڑتی ہے جس سے پٹھے مضبوط اور ان کی نشوونما تیز ہوجاتی ہے۔
کوبرا سٹائل کی ورزش
اس ورزش میں آپ کو اپنے پیٹ کے بل لیٹنا ہوگا اور پھر اپنے پیٹ کو اٹھا کر زیادہ سے زیادہ سٹریچ کرنا ہوگا تا کہ تمام جسم پر زیادہ سے زیادہ زور پڑے اور پٹھے حرکت میں رہیں۔