لاہور(این این آئی)پنجاب فوڈ اتھارٹی نے شہریوں کو ملاوٹ سے پاک صحتمند دودھ فراہم کرنے کیلئے صوبے بھر میں کھلے دودھ کی فروخت پر پابندی لگانے کا فیصلہ کرلیا ہے۔ذرائع کا کہنا ہے کہ اس سلسلے میں پنجاب فوڈ اتھارٹی اور گوالوں کے مابین مذاکرات کا سلسلہ جاری ہے۔ ڈی جی فوڈ اتھارٹی مدثر ریاض ملک کے مطابق دودھ پلاسٹک بیگز میں دستیاب ہوگا، جس میں 5 سے 6 فیصد فیٹ ہوگی جبکہ پلاسٹک بیگ پر درج ہوگا کہ دودھ کس شہر اور کس گوالے سے آیا ہے۔حکام کے مطابق کھلے کے بجائے پلاسٹک بیگ میں آنے والا دودھ ملاوٹ سے پاک ہوگا۔ اگر دودھ ملاوٹ شدہ ہوا تو اصل ذمے دار کی نشاندہی ہوجائے گی جس کے بعد ملاوٹ کرنے والوں کو باآسانی گرفتار کیا جا سکے گا۔

موضوعات:دودھ کی فروخت پر پابندی