بھارتی خاتون ٹی وی اداکارہ کی خودکشی، خط میں دوست پر ہراسگی کا الزام۔خاتون اداکارہ متعدد ٹیلی ویژن سیریلز میں کام کرچکی ہیں اور وہ اندور میں واقع اپنے گھر میں مردہ پائی گئیں۔
ممبئی (این این آئی)بھارتی ٹیلی ویژن اداکارہ وشالی ٹھکر نے اندور (مدھیہ پردیش) میں خودکشی کرلی، جس کی وجہ ان کے سابق بوائے فرینڈ کو قرار دیا جارہا ہے۔ پولیس کا کہنا ہے کہ مرنیوالی خاتون کے خودکشی سے قبل چھوڑے جانے والے نوٹ میں انہوں نے اپنے سابق دوست کی جانب سے ہراسگی کے بارے میں لکھا ہے۔ بتایا جاتا ہے کہ خودکشی کرنے والی خاتون اداکارہ متعدد ٹیلی ویژن سیریلز میں کام کرچکی ہیں اور وہ اندور میں واقع اپنے گھر میں مردہ پائی گئیں۔بھارتی میڈیا اداروں نے جب ان کے ساتھ کام کرنے والے اداکار سے رابطہ کیا تو اس کا کہنا تھا کہ وہ اس بات سے قطعی لاعلم ہے۔اس کا مزید کہنا تھا کہ وہ کافی عرصے سے خاتون اداکارہ سے نہیں ملا تھا، تاہم اسے اس واقعے پر بہت افسوس ہے۔
