لاہور (مانیٹرنگ، آن لائن)ورلڈ کپ ٹی ٹوئنٹی کے لئے پاکستان کی کٹ کا ڈیزائن اور رنگت بالکل تربوز سے ملتی جلتی ہے، اسی وجہ سے کٹ کی رونمائی کے بعد تربوز ٹوئٹر پر ٹاپ ٹرینڈ بن گیا ہے اور سوشل میڈیا پر میمز کی بھرمار ہے، ایک صارف نے لکھا کہ کھلاڑیوں کو پانی کی کمی سے بچانے کے لئے تربوز کٹ متعارف کی گئی ہے،

واضح رہے کہ ٹی ٹوئنٹی ورلڈ کپ کیلئے قومی کٹ کی رونمائی پی سی بی نے خصوصی ویڈیو کے ذریعے کی جس میں بابر اعظم، شاداب خان اور نسیم شاہ کے ساتھ قومی ویمن کرکٹ ٹیم کی پلیئرز فاطمہ ثنا اورکائنات امتیاز نے بھی حصہ لیا۔ورلڈ کپ کیلئے پاکستان کرکٹ ٹیم کی کٹ میں بنیادی کلر گہرا سبز ہے جبکہ ہلکے سبز اور پیلے رنگ کو استعمال کرتے ہوئے تھنڈر کی تھیم اپنائی گئی ہے۔پی سی بی نے ساتھ ہی کلیش کٹ بھی جاری کی ہے جس میں ڈارک گرین اور لائٹ گرین کا کلر استعمال کیا گیا ہے۔ واضح رہے کہ بی بی سی ٹی وی پر میچ دیکھ کر پاکستان کے خلاف ٹی 20 میچز کی ریڈیو کمنٹری نشر کرے گا۔بی بی سی انگلینڈ میں ٹی وی پر میچ دیکھ کر پاکستان کے خلاف ٹی 20 میچز کی ریڈیو کمنٹری نشر کرے گا، وہ بھی صرف 4 میچز کی کمنٹری نشر کی جائے گی،اگرچہ ان کے پاس پوری سیریز کی کمنٹری کے حقوق ہیں، براڈ کاسٹر اور رائٹس ہولدر لاجسٹک وجوہات کے سبب اپنی ٹیم کو پاکستان نہیں بھیجا جبکہ کراچی کے رپورٹر سے بھی کمنٹری ٹیم رابطے میں ہوگی۔انگلش ٹیم 17 برس بعد پہلی بار پاکستان کے دورے پر ہے، دسمبر میں انھیں 3 ٹیسٹ میچز کے لیے بھی دوبارہ پاکستان کا مہمان بننا ہے۔ بی بی سی کا کہنا ہے کہ ٹی 20 سیریز کی کمنٹری انگلینڈ جبکہ ٹیسٹ سیریز کی کمنٹری پاکستان سے کی جائے گی۔

دوسری جانب دورہ پاکستان پر موجود انگلش کرکٹ ٹیم کے کھلاڑیوں نے نیشنل اسٹیڈیم کراچی میں ملکہ برطانیہ کو خراج عقیدت پیش کیا۔ نیشنل اسٹیڈیم میں ٹریننگ کے دوران انگلش ٹیم کے کھلاڑیوں نے بازوؤں پر سیاہ پٹیاں باندھ لیں اور خاموشی اختیار کی اور ملکہ برطانیہ کو خراج عقیدت پیش کیا،انگلش کھلاڑیوں نے کیپ اتار کر گول دائرہ بنایا اور سر جھکائے خاموشی سے کھڑے رہے۔خیال رہے کہ ملکہ الزبتھ کی آخری رسومات برطانیہ میں ادا کردی گئی ہیں،۔