نوازشریف کے راستے کی رکاوٹ شہباز شریف خود بنیں گے، تہلکہ خیز دعویٰ

اسلام آباد (این این آئی)عوامی مسلم لیگ کے سربراہ، شیخ رشید احمد کی جانب سے پاکستان ڈیموکریٹک موومنٹ

سے متعلق بھی اہم پیشگوئی کرتے ہوئے کہاہے کہ نوازشریف کے راستے کی رکاوٹ شہباز شریف خود بنیں گے۔

شیخ رشید نے مائیکرو بلاگنگ ویب سائٹ ٹوئٹر پر جاری بیان میں کہا کہ ستمبر اور اکتوبر ستمگر مہینے ہیں، یہ سیاسی بھونچال لائیں گے،

ن اور ش ہی آمنے سامنے نہیں بلکہ پی ڈی ایم بھی ٹوٹ پھوٹ کا شکار ہوگی۔انہوں نے لکھا ہے کہ تعیناتیاں،

تنزلیاں، تبدیلیاں اور اہم عدالتی فیصلے انہی دو مہینوں میں ہوں گے۔شیخ رشید احمد کا اپنے سوشل میڈیا بیان میں کہنا ہے کہ سیلاب کے بعد غذائی اور وبائی بحران آئے گا،

نواز شریف کے راستے کی رکاوٹ شہباز شریف خود بنیں گے۔ان کا کہنا ہے کہ دنیا میں تیل کی قیمت گر رہی ہے،

حکومت ڈیزل 10روپے اور بجلی 4.5 روپے مہنگی کر رہی ہے، عوام کو بے زبان، بے آواز سمجھنے والے پچھتائیں گے۔

شیخ رشید نے کہا کہ غذائی قلت گوداموں اور دکانوں کو لٹوائیگی، عدلیہ کا ذمہ دارانہ اور دانشمندانہ رویہ قابل تعریف ہے۔

موضوعات:شیخ رشید احمد