اسلام آباد(مانیٹرنگ ڈیسک )تحریک انصاف کے رہنما فوادچوہدری نے گزشتہ روز ایک بیان میں کہا ہے کہ چودھری فواد کا کہنا تھا کہ رانا ثنا اللہ پنجاب جائیں گے لیکن واپس آئیں گے یا نہیں اس کی گارنٹی نہیں دے سکتے۔ دوسری جانب آج فواد چودھری نے کہا ہے کہ

ہماری جدوجہد کا ایک حصہ مکمل ہوگیا اب دوسرا جلد مکمل ہو گا اگلے6 ہفتے کے اندر نئے انتخابات کا فیصلہ ہو جائےگا۔پنڈداد خان دورہ کے موقع پر گفتگو کرتے ہوئے فوادچوہدری نے کہا کہ غیرضروری طور پر سازش کر کے چلتے پاکستان کی ترقی روک دی گئی رجیم چینج نے ہماری کمر توڑ دی اور روپے کی قدرمیں تیزی سےکمی ہوئی عالمی سازش کےنتیجےمیں پاکستان کومصیبت کاشکارکیاگیا۔نجی ٹی وی اے آروائی کے مطابق انہوں نے کہا کہ عوام کی مدد سے غیرملکی سازش کو ناکام بنایا گیا عوامی طاقت کےبغیرعالمی سازش کو ناکام بنانا ممکن نہیں تھا عوام ملک کیلئے کسی بھی معاملے پر سمجھونہ نہیں کر سکتےہیں غربت اور برے حالات میں گزارہ ہو سکتا مگر غلامی میں نہیں ہم نے ہر معاملے پر امریکا سے پوچھنا ہے تو آزادی کیوں حاصل کی۔ان کا کہنا تھا کہ پنجاب کے بڑے معرکے کی کامیابی پر تمام کارکنان کو مبارکبادد یتا ہوں ماضی میں اتنا بڑا انقلاب نہیں آیا جتنا بڑا عمران خان لایا ہے 4 ماہ کےاندرپی ٹی آئی نےملکی سیاست کاپانسہ پلٹ دیا۔