لاہور(نیوزڈیسک) وزیراعظم محمد نوازشریف کی صاحبزادی مریم نوازکی بیٹی مہرالنساء صفدرنے یونیورسٹی آف لندن سے ایل ایل بی آنرزکی ڈگری حاصل کرلی اس موقع پر انہیں دومیرٹ ایوارڈزسے بھی نوازاگیاجس پر مریم نواز نے سوشل میڈیا پر اظہار تشکر کیا ہے۔وزیراعظم نوازشریف کی نواسی کوبرطانیہ کی یونیورسٹی آف لندن سے ایل ایل بی آنرزکی ڈگری حاصل کرلی بہترتعلیمی کارکردگی پیش کرنے پرانہیں یونیورسٹی کی جانب سے دومیرٹ ایوارڈز بھی دئیے گئے ہیں ۔مریم نوازبیٹی کی کامیابی پر بے حدخوش ہیں۔ سماجی رابطوں کی ویب سائٹ ٹویٹرپر مریم نوازنے اپنے پیغام میں اللہ کاشکراداکرتے ہوئے لکھاکہ انہیں مہرالنساکی والدہ ہونے پرفخر ہے کہ انہوں نے امتیازی نمبروں کے ساتھ قانون کی ڈگری حاصل کی ۔مریم نے لکھا کہ بیٹی کی کامیابی پر وہ اللہ کے حضور سربسجود ہیں ۔