اسلام آباد(مانیٹرنگ ڈیسک ، آن لائن)سینئر صحافی محسن بیگ نے نجی ٹی وی ڈان نیوز کے پروگرام میں گفتگو کرتے ہوئے انکشاف کیا ہے کہ عمران خان خود امریکہ کے ایجنٹ ہیں ، عمران خان کےE7 والے گھر کا کرایہ 8سال امریکن قونصلیٹ نے دیا،آپ امریکہ کے ایجنٹ ہیں

اور آپ الٹا امریکہ کیخلاف بات کر رہے ہیں،یہ جھوٹا انسان ہے ، اس کے پلے کچھ نہیں ہے ، یہ اپنے گھر کھانا نہیں کھاتا، خود کہتا ہے کسی دوسرے کے گھر جا کر مجھے بھوک لگتی ہے ،اپنے گھر تو ہوتا کچھ نہیں۔ یاد رہے کہ انسداد دہشت گردی کی عدالت نے سینئر صحافی محسن جمیل بیگ کیخلاف دائر مقدمہ میں دہشت گردی کی دفعات ختم کر دیں اور کیس ڈسٹرکٹ اینڈ سیشن کورٹ اسلام آباد منتقل کردیا۔کیس کی سماعت انسداد دہشت گردی اسلا آباد کورٹ روم نمبر ایک کے جج راجہ جواد نے کی، محسن جمیل بیگ اپنے وکیل لطیف کھوسہ کے ساتھ عدالت کے سامنے پیش ہوئے ۔سماعت کے آغاز پروکیل لطیف کھوسہ نے اپنے دلائل میں عدالت کو بتایا کہ اس مقدمے میں دہشتگردی کی دفعات لگتی ہی نہیں، اپنی حفاظت کرناہر شہری کا بنیادی حق ہے لیکن ہم پر دہشتگردی کا مقدمہ بنا دیا گیا،اس موقع پر سرکاری وکیل نے عدالت کو بتایا کہ اس مقدمے سے دہشتگردی دفعات واپس لیتے ہیں، عدالت نے اسلام آباد پولیس کے تفتیشی افسر کو ہدایات جاری کی کہ وہ اپنا تحریری بیان عدالت جمع کروائیں ، بعدازاں عدالت نے  کیس ڈسٹرکٹ اینڈ سیشن کورٹ اسلام آباد منتقل کر دیا۔

عمران خان کے گھر کا کرایا آٹھ سال امریکن قونصلیٹ نے دیا ۔یہ امریکہ کے ایجنٹ ہیں ، موحسن بیگ#InFocus #PTI #Judiciary #PMLN #PPP @Dawn_News @MohsinJamilBaig pic.twitter.com/PosMgs0fTF

— Nadia Naqi (@NadiaNaqi) July 24, 2022