کراچی (نیوزڈیسک) پاکستان مسلم لیگ(ن)کے رہنماءسردار ممتاز علی خان بھٹو نے اتوار کو جاری اپنے ایک بیان میں کہا ہے کہ ایم کیو ایم والوں کو چاہئیے کہ وہ ہندوستان واپس جاکر یوپی میں الگ صوبہ بنائیں تو سندھی انہیں67 سال سندھ میں کی گئی عیاشی اور کھایا پیامعاف کردیںگے،دوسری جانب خورشید شاہ بھی جاگ گیا ہے اور ایسے یاد آیا ہے کہ سندھ ہماری ماں ہے اور اسے ٹکڑے ہونے نہیں دیں گے ،واہ شاہ واہ تیرا اپنے مفاہمتوں کو جواب ،مگر یہ بھی تو کوئی بتائے کہ زرداری نے ساڑھے سات سال قبل نائن زیرو جاکر ایم کیو ایم والوں کو اپنی سندھی ٹوپی اتار کر پیش کی تھی اس کا کیا ہوگا؟اور جو ساڑھے سات سال سال تک زرداری نے الطاف حسین سے بگل گیر ہوتا رہا ہے اور گل دستہ پیش کر کے فوٹو بنوائے ہیں وہ کون پھاڑے گا،دوسری جان یہ سوال پیدا ہوتا ہے کہ پیپلزپارٹی مسلم لیگ (ن)اور ایم کیو ایم کی جومفاہمتی گٹھ جھوڑ ہے وہ قائم رہے گا اور ٹوٹنے کی صورت میں وفاقی اور حکومت سندھ مشکلات کا شکار نہیں ہوجائے گی؟۔