مکہ مکرمہ(آن لائن)59 سالہ برطانوی مسلمان آدم محمد پا پیادہ حج کے لئے 11 ماہ سفر کے بعد انگلینڈ سے مکہ مکرمہ پہنچ گئے۔ آدم کے مکہ پہنچنے پر سینکڑوں افراد نے ان کا شاندار استقبال کیا جس پر آدم نے استقبال کرنے والے لوگوں کا شکریہ ادا کیا۔ آدم نے بتایا کہ انھوں نے 10 ماہ اور 26 دن قبل برطانیہ سے مکہ کے لیے پیدل سفر کا آغاز کیا تھا، جس کے بعد وہ 9 ملکوں کا سفر کرتے ہوئے اب رواں برس حج کی ادائیگی کے لیے مکہ پہنچے ہیں۔آدم کے مطابق انھوں نے مکہ پہنچنے کے لیے سخت موسم سمیت ہر مشکل اور پریشانی کو برداشت کیا اور 6500 کلو میٹرکا سفر طے کیا کیوں کہ پا پیادہ حج ان کی اولین خواہش ہے۔