اسلا آباد (مانیٹرنگ ڈیسک )بھارت میں انسان اور کتے کی دوستی کی ایک اور مثال سامنے آگئی۔بھارتی میڈیا رپورٹس کے مطابق ریاست کرناٹکا میں شیواپا یلپا مارادی نامی شخص نے اپنے پالتو کتے کی سالگرہ پر پہلے 4 ہزار مہمانوں کو مدعو کیا اور پھر 100 کلو گرام کا کیک کاٹا۔نجی ٹی وی جیو کےمطابق کتے کی سالگرہ کی تقریب کی ایک ویڈیو سوشل میڈیا پر وائرل ہوئی، جس پر صارفین کی جانب سے ملے جلے ردعمل کا اظہار کیا جا رہا ہے۔ویڈیو میں دیکھا گیا کہ مالک کی جانب سے کتے کو سالگرہ کے موقع پر خصوصی تیار کیا گیا،کتے کو ٹوپی پہنائی گئی اور اسے کیک کھلایا گیا۔ویڈیو وائرل ہونے پر کئی صارفین نے شہری کی پالتو کتے سے محبت کی تعریف کی جب کہ ایک صارف نے لکھا کہ یہ کتنی حماقت ہے، اگر یہ شخص کتوں کا شوقین ہوتا تو اس موقع پر گلی کے کتوں کو کھانا کھلاتا۔