کراچی (آن لائن)توانائی بچاؤ کا حکومتی فیصلہ بھی لوڈشیڈنگ میں کمی نہ لاسکا،شہر قائد کے بیشتر علاقوں میں غیر اعلانیہ لوڈ شیڈنگ بدستور جاری،شہری شدیدگرمی سے نڈھال۔تفصیلات کے مطابق شہر قائد میں غیر اعلانیہ لوڈ شیڈنگ نے شہریوں کی پریشانی میں

مزید اضافہ کردیا۔اس حوالے سے شہریوں کامیڈیا سے گفتگو کرتے ہوئے کہنا ہے کہ حکومت کی جانب سے تونائی بچاؤ فیصلے کے تحت رات کو کاروبار شادی ہال، ہوٹل جلدی بند کروانے سے لوڈ شیڈنگ میں کوئی کمی نہ آسکی بلکہ کے الیکٹرک کی جانب سے لوڈشیڈنگ کے دورانیہ مزید بڑھا دیا گیا ہے۔شہریوں کا مزید کہنا تھا کہ کے الیکٹرک کو کون لگام ڈالے گا،شہرکے مختلف علاقوں میں رات کے اوقات میں غیر اعلانیہ تین تین گھنٹے کی لوڈشیڈنگ نے عوام کا سکون چھین لیا ہے،دن میں کئی بار لوڈشیڈنگ کے شہری ذہنی اذیت کا شکارہیں،ان کا کہنا تھا کہ کراچی کے شہریوں کی فریاد سننے والا کوئی بھی نہیں، کے الیکٹرک کی جانب سے مینٹیننس کے نام پر دن میں آٹھ سے دس گھنٹے بجلی بن کردی جاتی ہیجبکہ کے الیکٹرک شکایتی مرکز پر بھی کوئی شنوائی نہیں ہوتی شدید گرمی اور کے الیکٹرک کی جانب سے 10تا 12گھنٹے کی لوڈشیڈنگ کے باعثشہری راتیں جاگ کر گذارنے پر مجبور ہیں۔شہریوں نے حکومت سے مطالبہ کیا ہے کہ اس شدید گرمی میں کے الیکٹرک کی جانب سے طویل لوڈشیڈنگ سے شہریوں کو چھٹکارہ دلایا جائے۔