وزیراعظم کا معذور شہریوں کے لئے بڑا فیصلہ
اسلام آباد(این این آئی)وزیر اعظم شہباز شریف نے پاکستان میں ہیلتھ کیئر ریسرچ اینڈ ڈویلپمنٹ میں اسٹریٹجک اصلاحات شروع کرنے کا فیصلہ کرلیا۔
سربراہ وزیراعظم اسٹریٹجک ریفارمز سلمان صوفی کے مطابق ابتدائی طور پر معذور شہریوں، سریبرل پالسی(Cerebral Palsy)مصنوعی اعضاء کیلئے
سازوسامان کی تیاری پر کام کرنے والے اداروں کی مدد کی جائے گی اور ان کی تعداد میں اضافہ جائے گا۔ سلمان صوفی کے مطابق
سیریبرل پالسی سے متاثر مریضوں کی تعلیم و تربیت کیلئے بین الاقوامی سطح پر رائج میوزک تھراپی جیسے اقدامات متعارف کروایے جائیں گے
انہوں نے کہاکہ دماغی فالج کے مریضوں کے لیے خصوصی وہیل چیئرز، دیگر معذور شہریوں کی مدد کے لیے آلات پاکستان میں کم قیمت پر تیار کیے جائیں گے
تاکہ یہ عام شہریوں کی دسترس میں ہوں۔ سلمان صوفی کے مطابق حکومت معذور شہریوں کو ان کی نقل و حرکت کے لیے درکار اہم سامان کو سبسڈی پر فراہم کرنے کیلئے بھی اقدامات کریگی۔
