ن لیگ کے مقامی رہنما انتقال کرگئے

راولپنڈی (این این آئی) راولپنڈی میں ضمنی الیکشن کی انتخابی مہم کے دوران دل کا دورہ پڑنے سے ن لیگ کے رہنما انتقال کر گئے۔

تفصیلات کے مطابق سابق چیئرمین بلدیہ کلر سیداں شیخ عبدالقدوس پی پی 7 راولپنڈی میں ن لیگ کے امیدوار راجا صغیر کے انتخابی جلسے میں شریک تھے۔

شیخ عبدالقدوس جلسے سے خطاب کے بعد بیٹھے تو دل کا دورہ پڑ گیا اور وہ بے ہوش ہو گئے جنہیں فوری طور پر ہسپتال منتقل کیا گیا جہاں وہ چل بسے۔

شیخ عبدالقدوس (ن) لیگ کے امیدوار راجہ صغیر احمد کے انتخابی جلسے میں خطاب کر رہے تھے۔