ویانا (این این آئی )آسٹریائی دارالحکومت ویانا ایک مرتبہ پھر دنیا کا سب سے زیادہ قابل رہائش شہر موسٹ لیو ایبل سٹی قرار پایا ہے۔میڈیارپورٹس کے مطابق برطانوی ہفتہ روزہ دی اکانومسٹ کے مرتب کردہ سالانہ انڈیکس میں ویانا 2018 اور 2019 میں سرفہرست رہ چکا ہے۔ گزشتہ برس یہ شہر 12ویں پوزیشن پر چلا گیا تھا اور نیوزی لینڈ کے شہر آکلینڈ کو یہ اعزاز حاصل ہوا تھا، تاہم کووڈ پابندیوں کے سبب رواں برس آکلینڈ 34 ویں پوزیشن پر ہے۔ اس انڈیکس کی تیاری میں شہروں کی ان کے استحکام، صحت کی سہولیات، ثقافت، تعلیم اور بنیادی ڈھانچے کے حوالے سے درجہ بندی کی جاتی ہے۔ جرمن شہر فرینکفرٹ 32 درجات پھلانگتا ہوا رواں برس اس فہرست میں ساتویں پوزیشن پر ہے۔