لاہور(این این آئی) صوبائی وزیر قانو ن و پارلیمانی امور ملک محمد احمد خان نے کہا ہے کہ سابق وزیراعظم عمران خان اور ان کے ساتھیوں کے خلاف آئین کے آرٹیکل 5اور 6 کے تحت غداری کے مقدمات قائم کرنے کی تنبیہ کرتے ہوئے کہا ہے کہ سابق وزیراعظم عمران خان اور ان کے ساتھی قومی اداروں کو سیاست میں ملوث کر رہے ہیں۔ پریس کانفرنس میں انہوں نے کہا کہ پی ٹی آئی کی قیادت اور رہنماؤں کے خلاف آرٹیکل 5 اور 6 کے تحت کارروائی کا حق محفوظ رکھتے ہیں، یہ سیریز قاسم سوری سے شروع ہو کر صدر پاکستان عارف علوی تک جاتی ہے۔