اسلام آباد(این این آئی) ماہر معاشیات مزمل اسلم نے کہا ہے کہ حکومت پر شدید تنقید کرتے ہوئے کہا ہے کہ اس سے زیادہ جاہل معاشی ٹیم پاکستان کی تاریخ میں کبھی نہیں دیکھی، شک ہے یہ پاکستان کو بدترین بدحالی کا شکار کرنے کے ایجنڈے پر کام کررہے ہیں، سپر ٹیکس کے

اعلان کے باوجورواں سال کم ٹیکس وصولیاں ہوں گی۔نجی ٹی وی سے گفتگو میں وزیراعظم کی جانب سے سپر ٹیکس لگانے کے اعلان پر ردعمل دیتے ہوئے ماہر معاشیات مزمل اسلم نے کہا اس سے زیادہ جاہل معاشی ٹیم پاکستان کی تاریخ میں کبھی نہیں دیکھی، آئی ایم ایف نے ان کی بے ایمانی، دھوکے بازی کو بجٹ میں پکڑا۔انہوں نے کہا کہ 10فیصد ٹیکس کی تلوار ایسی ہے کہ شائد ملک اپنے پیروں پر کھڑا نہ ہوسکے، کارخانے بند ہوں گے تو عام آدمی کا روزگاربند ہوگا، سرمایہ کاری نہیں ہوگی۔ماہر معاشیات نے کہا کہ معیشت کا فارمولا ہے کہ ٹیکسز کم کریں اور سرمایہ کاری،روزگار زیادہ ہو، ہمارے دور میں صنعتوں نے خوشی خوشی سے ٹیکس دیا لیکن اب شک ہونے لگا کہ یہ پاکستان کو بدترین بدحالی کا شکار کرنے کے ایجنڈے پر کام کررہے ہیں، پاکستان کی معیشت ختم ہوجائے گی۔انہوں نے بتایا کہ 4لاکھ لوگوں کا ڈیٹا تیار کیاگیا تاکہ ان کو ٹیکس نیٹ میں لایا جائے، یہ اپنی حکومت کے چند دن بچانے کی کوشش کررہے ہیں، یہ اپنی کرپشن کو معاف کرارہے ہیں اورلوگوں کو بے وقوف بنا رہے ہیں۔ انہوں نے دعویٰ کیا سپر ٹیکس کے اعلان کے باوجود آئندہ مالی سال رواں سال سے کم ٹیکس وصولیاں ہوں گی۔