گلگت (این این آئی)گلگت کے علاقے رحیم آباد کے قریب موڑ کاٹتے ہوئے سیاحوں کی گاڑی حادثے کا شکار ہوگئی جس کے نتیجے میں 4 سیاح جاں بحق اور 8زخمی ہوگئے ۔ پولیس کے مطابق سیاحوں کا تعلق کراچی سے ہیں۔ گاڑی میں12افراد سوار تھے۔عینی شاہدین کے مطابق گاڑی موڑ کاٹتے ہوئے بے قابو ہوکر گہری کھائی میں جا گری۔ حادثے کی اطلاع ملتے ہی مقامی لوگوں نے ریسکیو 1122 گلگت کے ساتھ مل کر امدادی کارروائیاں شروع کر دیں، زخمیوں کو پرونشل ہیڈ کوارٹر ہسپتال گلگت منتقل کردیا گیا ہے۔

موضوعات:گلگت