کراچی(این این آئی)اوور سیز پاکستانیوں نے روشن ڈیجیٹل اکائونٹس میں ایک دن میں 57 ملین ڈالر کی رقوم جمع کرادیں جس کے بعد جمع شدہ رقوم کی مالیت 4.5 ارب ڈالر سے تجاوز کرگئی ہے۔اسٹیٹ بینک آف پاکستان کے مطابق سمندر پاکستانیوں کی طرف سے ایک دن میں جمع کرائی گئی

اب تک کی سب سے زیادہ رقوم ہیں،جمع شدہ رقم روشن ڈیجیٹل اکائونٹس میں کسی ایک دن کا ریکارڈ ڈپازٹ ہے،ایک دن میں ہونے والے ریکارڈ ڈپازٹ کے بعد روشن ڈیجیٹل اکائونٹ میں جمع شدہ رقوم کی مالیت 4.5 ارب ڈالر سے تجاوز کرگئی ہے۔وزیر خزانہ مفتاح اسماعیل نے اس ضمن میں کہاکہ آج روشن پاکستان ڈیجیٹل اکائونٹ کے حوالے سے تاریخی دن ہے،روشن ڈیجیٹل پاکستان اکائونٹ میں 57 ملین ڈالر جمع ہوئے ہیں۔دوسری جانباسٹیٹ بینک آف پاکستان نے زرمبادلہ کے سرکاری ذخائر ختم ہونے کی تردید کردی ہے۔اسٹیٹ بینک آف پاکستان کی جانب سے جاری اعلامیے میں ان اطلاعات کی تردید کی ہے کہ زرمبادلہ کے ذخائر ختم ہوگئے یا انہیں خرچ نہیں کیا جاسکتا۔ایس بی پی ترجمان کے مطابق 8.9 ارب ڈالر کے سرکاری ذخائر مکمل طور پر قابل استعمال ہیں جو سونے کے ذخائر کے علاوہ ہیں۔ اعلامیے میں کہا گیا ہے کہ اسٹیٹ بینک کی جانب سے درآمدی ادائیگیاں روکنے اور بینکوں کے پاس زرمبادلہ نہ ہونے کی اطلاعات بے بنیاد اور غلط ہیں۔بیان کے مطابق اسٹیٹ بینک نے درآمدی ادائیگیاں نہیں روکیں کمرشل بینکوں کے پاس ادائیگیوں کے لیے خاطر خواہ ذخائر موجود ہیں جبکہ رواں ماہ کے دوران انٹربینک مارکیٹ سے 4.7 ارب ڈالر کی درآمدی ادائیگیاں کی گئی ہیں۔