بڑی سیاسی جماعت کا تحریک انصاف کیساتھ اتحاد
اسلام آباد (آن لائن) پاکستان تحریک انصاف اور مجلس وحدت مسلمین کے درمیان باضابطہ سیاسی اشتراک کا معاہدہ طے پا گیا ہے۔
اس سلسلہ میں چیئرمین تحریک انصاف عمران خان سے علامہ راجہ ناصر عباس کی قیادت میں مجلس وحدت مسلمین کے وفد نے ملاقات کی۔دونوں رہنماؤں کی
ملاقات سے متعلق جاری کردہ اعلامیے میں بتایا گیا کہ تحریک انصاف اور مجلس وحدت مسلمین نے کسی صورت غلامی قبول نہ کرنے کا اعلان کیا ہے
۔اعلامیہ میں کہا گیا کہ پاکستانی سرزمین پر کسی بیرونی ملک کے اڈے قائم نہ کرنے پر پی ٹی آئی اور مجلس وحدت مسلمین میں مکمل اتفاق پایا جاتا ہے۔
عمران خان اور علامہ راجہ ناصر عباس کی جانب سے معاہدے پر دستخط کیے گئے۔ سیاسی اشتراک کے معاہدے کے تحت متفقہ طور پر طے پایا ہے کہ
آزاد خارجہ پالیسی اور داخلی خودمختاری کے بیانیے سے کسی طور روگردانی نہیں کی جائے گی۔
