سابق وزیراعلیٰ پنجاب عثمان بزدار کے سابق پرنسپل سیکرٹری کے فرنٹ مین گرفتار، بھاری رشوت کا الزام
لاہور (آن لائن) محکمہ اینٹی کرپشن پنجاب نے کارروائی کرتے ہوئے سابق وزیراعلیٰ پنجاب سردار عثمان بزدار کے پرنسپل سیکرٹری طاہر خورشید کے فرنٹ مین وسیم طارق کو گرفتار کرلیا ہے۔
وسیم طارق کی گرفتاری ای ایم ای سوسائٹی میں واقعہ ان کی رہائش گاہ سے عمل میں آئی بتایا گیا ہے کہ ملزم وسیم طارق جو ورکس ڈیپارٹمنٹ میں بطور چیف انجینئر تعینات تھے۔
پر الزام عائد ہے کہ انہوں نے ایک مقامی ٹھیکیدار کے بل منظور کرنے کی مد میں کروڑوں روپے کی رشوت کا مطالبہ کیا۔
جبکہ ملزم نے مذکورہ ٹھیکیدار سے 94 لاکھ روپے رشوت وصول کر کے اس کے ٹھیکے کے بل پاس کردئیے۔ محکمہ اینٹی کرپشن پنجاب نے سردار عثمان بزدار کے
پرنسپل سیکرٹری طاہر خورشید کو بھی شامل تفتیش کرنے کا فیصلہ کیا ہے اور اپنی تحقیقات کا دائرہ وسیع کرنے کا فیصلہ کیا ہے
واضح رہے کہ مذکورہ ٹھیکیدار نے سابق وزیراعلیٰ پنجاب عثمان بزدار کے سابق پرنسپل سیکرٹری طاہر خورشید کے فرنٹ مین وسیم طارق کے خلاف اندراج مقدمہ کی درخواست دائر کر رکھی تھی۔
