اسلام آباد (آن لائن)بین الاقوامی اسلامی یونیورسٹی میں غیر ملکی طلبا غیر قانونی طور پر رہائش پذیر ہونے کے ساتھ تعلیمی ادارے میں منشیات بھی سرعام فروخت کرنے لگے ہیں ۔ آن لائن ذرائع کے مطابق اسلامی یونیورسٹی میں فارغ التحصیل طلبا کئی سالوں سے یونیورسٹی ہاسٹل میں رہائش پذیر ہیں جبکہ دوسری جانب متعدد طلباءجو کہ غیر ملکی ہیں ان کے ویزے تو کیا پاسپورٹ بھی گم ہو چکے ہیں وہ بھی غیر قانونی طور پر تعلیمی ادارے میں رہائش پذیر ہیں ۔ ذرائع کا یہ بھی کہنا ہے کہ غیر قانونی طور پر رہائش پذیر غیر ملکیوں کو مختلف وزارتوں میں بیٹھے افسران کی سرپرستی حاصل ہے ۔آن لائن ذرائع کا کہنا ہے کہ یونیورسٹی ہاسٹل میں چرس ، شراب اور اب افیون کا بھی آزادانہ استعمال ہونے لگا ہے مگر یونیورسٹی انتظامیہ منشیات کی لعنت پر قابو پانے کے لئے تاحال ناکام ہے ۔