لاہور(این این آئی) فیصل ٹاون کے علاقے میں گھر سے لاش برآمد ہوئی جس کی شناخت عمران رضا عباسی کے نام سے ہوئی۔ذرائع کے مطابق عمران رضا عباسی ایڈیشنل کمشنر ریونیو کے عہدے پر فائز تھے،دو روز قبل ان کا تبادلہ اسلام آباد سے لاہور کیا گیا تھا۔ ڈرائیور نے صبح ناشتہ دینے کے لیے دستک دی توعمران رضا عباسی نے دروازہ نہیں کھولا۔ جس پر شک گزرنے پر پولیس کو اطلاع دی اور پولیس نے موقع پر پہنچ کر لاش تحویل میں لے کر مردہ خانے منتقل کر دی ہے۔پولیس کا کہنا تھا کہ ابتدائی تحقیقات کے مطابق خودکشی ظاہر ہوتی ہے۔