امپورٹڈ حکومت کے وزرا، مشیر اور معاونین خصوصی کے کتنے اثاثے ہیں؟ علی زیدی کا سوال
کراچی (این این آئی) پی ٹی آئی سندھ کے صدر اور سابق وفاقی وزیر علی زیدی نے سوال کیا ہے کہ امپورٹڈ حکومت کے وزراء اور مشیران ومعاونین خصوصی کے کتنے اثاثے ہیں؟۔
پاکستان تحریک انصاف سندھ کے صدر اور سابق وفاقی وزیر علی زیدی نے اپنے ایک بیان اور ٹوئٹر پر اراکین کابینہ کے اثاثوں کے حوالے سے اظہار خیال کرتے ہوئے کہا کہ
میڈیا میں کچھ لوگ عمران خان کی کابینہ پر اثاثے ظاہر کرنے پر زور دیتے رہے، ہماری پوری کابینہ نے اپنے اثاثے آن لائن ظاہر کیے۔
پی ٹی آئی رہنما نے مزید لکھا کہ کیا یہ لوگ کرائم منسٹرشہباز شریف کی کابینہ کیلئے وہی ہارڈ اسٹک استعمال کریں گے،
کیا ان بدمعاشوں کے لیے شفافیت کے کسی اور پیمانے کا معاہدہ ہوا ہے۔سابق وفاقی وزیر نے کہا کہ امپورٹڈ حکومت کے وزرا، مشیر اور معاونین خصوصی کے کتنے اثاثے ہیں؟
کتنے مشیران ومعاونین خصوصی کے پاس دہری شہریت ہے؟ کیا ان چور اور لٹیروں کے لیے شفافیت کو جانچنے کے پیمانے الگ ہیں؟۔
