اسلام آباد (این این آئی) وزیراعظم میاں محمد شہبازشریف نے مسلم لیگ (ق) کے صدرچوہدری شجاعت حسین سے ملاقات کی۔ وزیراعظم نے چوہدری شجاعت حسین کی ان کی خیریت بھی دریافت کی ۔ تفصیلات کے مطابق وزیراعظم شہبازشریف نے (بدھ) کو (ق) لیگ کے
سربراہ چوہدری شجاعت حسین سے ان کی رہائش گاہ پر ملاقات کی۔ اس موقع پر وفاقی وزراء طارق بشیرچیمہ، سالک حسین، خواجہ سعد رفیق اور صوبائی وزیر ملک احمد خان بھی شریک تھے۔(ن) لیگی صدر اور (ق) لیگ کے سربراہ کے درمیان ہونے والی ملاقات میں مسلم لیگ ق کے مرکزی رہنما چوہدری شافع حسین اورایم این اے فرخ خان صاحبہ بھی موجود تھیں۔ملاقات کے دوران چوہدری شجاعت حسین نے وزیراعظم کو بیرون ملک پاکستانیوں اور بجٹ کے متعلق تجاویزدیں۔ وزیراعظم شہباز شریف نے کہا کہ چوہدری شجاعت حسین کی تجاویز عوامی ہیں اوران کو ضرور بجٹ کا حصہ بنائیں گے۔وزیراعظم شہبازشریف نے (ق) کے وفاقی وزراء کے تعریف کرتے ہوئے کہا کہ آپ کے دونوں وزیر بہت محنتی اور دیانتدار ہیں جس پرچوہدری شجاعت حسین نے کہا کہ ہم سب نے ملکر اس ملک کو معاشی بحران سے نکالنا ہے۔ وزیراعظم میاں محمد شہبازشریف نے مسلم لیگ (ق) کے صدرچوہدری شجاعت حسین سے ملاقات کی۔ وزیراعظم نے چوہدری شجاعت حسین کی ان کی خیریت بھی دریافت کی ۔
