برلن (این این آئی )جرمن وزیر خارجہ انالینا بیئربوک افغانستان میں طالبان حکام پر انسانی حقوق اور خاص طور پر خواتین کے حقوق کو یقینی بنانے کے لیے دبائو بڑھانا چاہتی ہیں۔میڈیارپورٹس کے مطابق جرمن وزارت خارجہ نے ایک بیان میں کہاکہ بیئربوک پاکستان کے دورے پر اسلام آباد حکومت سے بات چیت کے دوران اس بات پر زور دیں گی ۔ جرمن وزارت خارجہ کے مطابق جرمن حکومت افغانستان سے عام شہریوں کے انخلا کے معاملے میں پاکستان کو ایک اہم پارٹنر کے طور پر دیکھتی ہے۔افغانستان کے معاملے پرپاکستان کے ساتھ قریبی روابط رکھے ہوئے ہیں، پاکستان کی مدد کے ذریعے اب تک اکیس ہزار افراد کو افغانستان سے بحفاظت جرمنی منتقل کیا جا چکا ہے۔