لاہور( این این آئی)سابق چیئرمین فیڈرل بورڈ آف ریو نیو شبر زیدی نے کہا ہے کہ پاکستانی معیشت کی لگام وزیراعظم یا وزیر خزانہ کے ہاتھ میں نہیں بلکہ وہ صرف آئی ایم ایف کے احکامات عوام تک پہنچانے کا کام کرتے ہیں۔نجی ٹی وی سے گفتگو کرتے ہوئے انہوں نے کہا کہ اگرپاکستان آئی ایم ایف کی سپورٹ نہ لیتا تو ڈیفالٹ کرجاتا، جب یہ حکومت میں آئے تھے تو ان سے یہ کہا گیا تھا کہ آپ کو آئی ایم ایف کی تمام شرائط پوری کرنی ہیں۔شبر زیدی نے کہا کہ پاکستان کے لوگوں کو مشکلات برداشت کرنی ہیں، بچلی کی بچت کیلئے بازاروں کو 6 بجے بند کرنا چاہیے۔انہوں نے کہا اگر ہم آئی ایف کی سپورٹ نہیں لیتے تو ہم ڈیفالٹ کی طرف چلے جائیں گے۔ پچھلی حکومت نے جو سخت ترین معاہدہ کیا تھا یہ اب موجودہ حکومت کی مجبوری ہے۔