لاہور(مانیٹرنگ ڈیسک)صوبائی دارالحکومت لاہور میں سگے بھانجے نے خالہ سے شادی کرلی ، بھائی نے 8مہینے بعد بہن کو ڈھونڈ کر قتل کردیا، نجی ٹی وی لاہور رنگ کی رپورٹ کے مطابق بھانجے سے لو میرج کرنیوالی سگی خالہ رخسانہ اپنے بھائی کے ہاتھوں قتل ہوگئی ۔
8بہنوں کا اکلوتا بھائی جیل کی سلاخوں کے پیچھے پہنچ گیا، غیرت کے نام پر رخسانہ کو گلے میں پھندا ڈال کر قتل کردیا،گوجرانوالہ کے رہائشی ذوالفقار جو اس وقت لاہور میں15سالوں سے کرائے کے گھر میں مقیم ہے ، ذوالفقار آٹھ بہنوں کا اکلوتا بھائی ہے جو محنت مزدوری کرتا ہے ،ذوالفقار کے مطابق رخسانہ شادی نہیں کرانا چاہتی تھی ، کہتی تھی میں نے آپ لوگوں کیساتھ ہی رہنا ہے ۔ہم نے کوشش بھی کی لیکن وہ نہیں مانی ،مجھے پتہ چلا کہ 8مہینے پہلے میرے بھانجے نے میری بہن سے شادی کرلی ، میں نے دونوں کو مارا بھی لیکن وہ نہیں سدھرے ،دونوں کرائے کے مکان میں رہتے تھے پتہ نہیں کس نے ان کی کورٹ میرج کرادی ، دونوں کو شادی کے بعد بھی بہت سمجھایا لیکن نہیں مانے ، میں نے اپنی بہن کو اعتماد میں لیا کہ میں کچھ نہیں کہوں گا ، موقع ملتے ہی غیرت کے نام پر قتل کردیا۔قتل کرنے کے بعد گوجرانوالہ چلا گیا، خالہ اور بھانجے کا رشتہ نہیں بنتا تھا مجھے یہ قبو ل نہیں تھا۔
