کراچی (این این آئی) پاکستان کی متنازع ٹک ٹاک سٹار حریم شاہ نے کہا ہے کہ مسجد نبویؐ میں پیش آنے والے حالیہ واقعے میں چیئرمین پی ٹی آئی عمران خان کا کوئی ہاتھ نہیں ہے، وہ عاشقِ رسولؐ ہیں۔حریم شاہ نے مدینہ منورہ میں
نجی ٹی وی چینل کو انٹرویو میں کہا کہ جس وقت مسجد نبویؐ میں افسوسناک واقعہ پیش آیا وہ وہیں موجود تھیں، اْنہوں نے سب خود اپنی آنکھوں سے دیکھا۔ٹک ٹاک اسٹار نے کہا کہ مسجد نبویؐ واقعے کی جتنی مذمت کی جائے کم ہے، اس جگہ تو ہمیں ہماری آوازیں پست رکھنے کا حکم دیا گیا ہے۔اْنہوں نے کہا کہ نئی حکومت کے لیے عوام کے دلوں میں شدید غم و غصہ ہے اور جب حکومت وفد مسجد نبویؐ پہنچا تو وہاں موجود قافلے نے اپنے غصے کا اظہار کیا جوکہ غلط تھا۔حریم شاہ نے کہا کہ اب یہ کہا جارہا ہے وہ قافلہ عمران خان نے بھیجا تھا اور اس سارے واقعے کے پیچھے بھی عمران خان کا ہی ہاتھ تھا جبکہ یہ جھوٹا الزام ہے۔ٹک ٹاکر نے کہا کہ عمران خان عاشقِ رسولؐ ہیں، وہ کبھی اس طرح کی گھٹیا حرکت میں ملوث نہیں ہوسکتے۔اْنہوں نے کہا کہ سابق وزیراعظم عمران خان سچے لیڈر ہیں۔
