اسلام آباد (این این آئی)پا کستان پیپلز پارٹی کی رکن ڈاکٹر نفیسہ شاہ نے تحریک انصاف کو ایوان میں واپس آنے کی دعوت دیدی ۔ ایوان میں اظہار خیال کرتے ہوئے نفیسہ شاہ نے کہاکہ اپوزیشن کے بغیر ایوان کی کارروائی پارلیمانی تاریخ نہیں بنائے گی ،ملک میں سیاسی تناو موجود ہے اس سے کوئی انکار نہیں کرسکتا ۔ انہوںنے کہاکہ اپوزیشن کو سیاسی تناو کو بڑھانے کی بجائے کم کرنے میں کردار ادا کرنا چاہیے۔ انہوںنے کہاکہ معیشت کے حوالے سے بھی ملکر ایک روڈ میپ تیار کرنا چا ہیے ۔ انہوں نے کہاکہ وزیر اعظم شہبازشریف اگلے اجلاس میں میثاق معیشت پیش کریں ،بجٹ سے پہلے ایک سیشن بجٹ کی تیاری کے لئے کیا جائے ۔