اسلام آبا د(آن لائن)وزیر اعظم شہباز شریف نے کہا ہے کہ پاکستان انڈیا کے ساتھ پرامن تعلقات کا خواہاں ہے، مسئلہ کشمیر سمیت تمام مسائل کا حل چاہتے ہیں ۔ ذرائع کے مطابق وزیر اعظم شہبازشریف نے بھارتی ہم منصب نریندر مودی کو جوابی خط لکھا ہے ۔خط کے متن میں کہاگیا ہے پاکستان مسئلہ کشمیر سمیت تمام مسائل کا حل چاہتا ہے۔پاکستان انڈیا کے ساتھ پرامن تعلقات کا خواہاں ہے ۔ذرائع کے مطابق بھارتی وزیر اعظم نریندر مودی نے پاکستانی ہم منصب کو مبارکباد کا خط لکھا تھا۔ بھارتی وزیراعظم نے خط میں پاکستان سے تعمیری تعلقات کی خواہش کا اظہار کیا تھا۔

موضوعات:شہبازشریف