مکوآنہ (این این آئی ) بال پین کا استعمال تو ہر کوئی کرتا ہے اور اس کے ڈھکن میں سوراخ بھی تقریبا سبھی نے دیکھا ہو گا لیکن کسی نے کبھی یہ سوچا ہے کہ یہ سوراخ دراصل ہوتا کیوں ہے۔ رپورٹ کے مطابق بال پین کے ڈھکن کا سوراخ ایک خاص مقصد کو پورا کرتا ہے، یہ گھٹن کو روکنے کیلئے ہوتا ہے۔ بی آئی سی کرسٹل جو قدیم ترین کمپنیوں میں سے ایک ہے، ان کا کہنا ہے کہ انہوں نے ہوا کے دباو کو جاری رکھنے کیلئے ڈھکن کے اوپر سوراخ شامل کیا۔ یہ اس بات کو یقینی بنائے گا کہ اگر کوئی شخص غلطی سے ڈھکن نگل لیتا ہے تو سانس لینے کے قابل رہے اور اس کا دم نہ گھٹے۔کمپنی کی ویب سائٹ پر لکھا ہے کہ “قلم کو لیک ہونے سے روکنے میں مدد کرنے کے علاوہ ہماری تمام اشیا حفاظتی معیارات کی تعمیل کرتی ہیں جو بچوں کے حادثاتی طور پر قلم کے ڈھکن نگلنے کے دوران سانس لینے کے خطرے کو کم کر دیتے ہیں۔