لاہور( این این آئی)مسلم لیگ (ن) نے حمزہ شہباز کے وزیر اعلیٰ پنجاب منتخب ہونے کی خوشی میں اتوار کے روز باضابطہ جشن منانے کا اعلان۔ پارٹی ذرائع کے مطابق اتوار رات ساڑھے 9 بجے لبرٹی گول چکر پر بھرپور جشن منایا جائے گا، اس موقع پر شکرانے کے نوافل ادا کئے جائیں گے اور مٹھائیاں تقسیم کی جائیں گی ۔قبل ازیں حمزہ شہباز کے وزیر اعلیٰ پنجاب منتخب ہونے کا اعلان ہوتے ہی لیگی کارکنان نے بھرپو رجشن منایا ،کارکنان کی ڈھول کی تھاپ پر بھنگڑے ڈالتے ہوئے قیادت کے حق میں نعرے لگاتے رہے جبکہ کئی کارکنوںنے سجدہ شکر بھی ادا کیا ۔ اس موقع پر مٹھائیاں بھی تقسیم کی گئیں۔