لاہور(این این آئی)ڈپٹی اسپیکر پنجاب اسمبلی دوست محمد مزاری نے کہا ہے کہ عدالت انہیں برطرف کر دے تو کر دے، وہ از خود استعفیٰ نہیں دیں گے۔انہوں نے ٹوئٹر پر جاری بیان میں کہا کہ اس وقت استعفیٰ دینے کا مطلب 12 کروڑ نفوس کے صوبہ کو ایک اور بڑے آئینی بحران میں دھکیلنے کے مترادف ہو گا۔دوست مزاری نے کہا کہ پنجاب میری وجہ سے کسی آئینی بحران کا شکار نہیں ہو گا، عدالت مجھے برطرف کر دے تو کر دے، میں از خود استعفیٰ نہیں دوں گا۔انہوں نے کہا کہ ہفتہ کو رولز آف بزنس اور عدالتی احکامات کے مطابق ووٹنگ ہو گی۔

موضوعات:دوست مزاری