اسلام آباد (این این آئی)مسلم لیگ(ن) کے رہنما احسن اقبال نے عمران خان کی تقریر پر ردعمل دیتے ہوئے کہاہے کہ عمران خان کو آئین شکنی کی سزا ضرور ملے گی۔اپنے بیان میں احسن اقبال نے کہا کہ عمران خان نے آئین توڑا، سویلین مارشل لاء لگایا، آئین توڑنے اور سویلین مارشل لاء لگانے پر رات کو عدالت لگی، انہیں آئین شکنی کی سزا ضرور ملے گی۔ اس کے علاوہ ن لیگ خیبرپختونخوا کے ترجمان اختیارولی نے کہا کہ عمران کی تقریرکا خلاصہ تھا مجھے کیوں نکالا؟ عمران کی آہ وبکا بتا رہی ہے کہ وہ این آراومانگ رہے ہیں لیکن انہیں این آر او نہیں ملے گا۔

موضوعات:احسن اقبال