لاہور( این این آئی) پاکستان مسلم لیگ (ن) کی مرکزی نائب صدر مریم نواز نے عمران خان کو آڑے ہاتھوں لیتے ہوئے کہا ہے کہ آج تمہارے جھوٹ تار تار ہو گئے،اقتدار سے چمٹے رہنے کے لیے تم نے خطرناک کھیل کھیلا۔ٹوئٹر پر اپنے بیان میں مریم نواز نے کہا کہ نیشنل سکیورٹی کمیٹی جیسے سنجیدہ فورم کو سازشی ڈرامے کیلئے استعمال کیا۔ ایبسلیوٹلی ناٹ کا جھوٹا نعرہ ان اڈوں کے لئے لگایاجوکبھی مانگے ہی نہیں گئے تھے۔ این آراو کیلئے اسٹیبلشمنٹ کے ترلے کیے،جھوٹ بولا کہ انہوں نے آپشن دئیے تھے۔انہوںنے کہا کہ وقت آ گیا ہے تمہارے ایک ایک جھوٹ کا محاسبہ کیا جائے،کرسی کی خاطر قومی سلامتی سے کھیلنے کی قابل مذمت کوششوں کا محاسبہ کیا جائے۔