لندن (این این آئی )برطانوی رائٹر اور پروڈیوسر جمائما گولڈ اسمتھ نے سابق شوہر عمران خان کے ہمراہ دونوں بیٹوں کی کرکٹ کھیلنے کی پرانی ویڈیو پر پسندیدگی کا اظہار کیا ہے ۔ٹوئٹر پر 6 اپریل کو مہر عاشر نامی صارف نے عمران خان کی ماضی کی ایک خوشگوار ویڈیو شیئر کی جس میں انہیں اپنے بیٹوں کے ساتھ کرکٹ کھیلتے دیکھا جاسکتا ہے۔صارف نے ویڈیو میں جمائما کو ٹیگ کرتے ہوئے لکھا کہ ہم آپ کو دوبارہ ایک ساتھ دیکھنا چاہتے ہیں، ویڈیو کو جہاں دیگر ٹوئٹر صارفین نے پسند کیا وہیں جمائما بھی اس ٹوئٹ پر ردعمل دیا۔جمائما نے اس ویڈیو پر پسندیدگی کا اظہارکیا۔واضح رہے کہ جمائما اور عمران خان کی شادی 1995 میں ہوئی تھی، ان کے دو بیٹے سلیمان اور قاسم ہیں جو اس وقت لندن میں زیر تعلیم ہیں اور اپنی والدہ جمائما گولڈ اسمتھ کے ہمراہ رہتے ہیں۔