لندن (مانیٹرنگ ڈیسک) ن نے پی ٹی آئی کے چیئرمین عمران خان کی سابق اہلیہ جمائمہ گولڈ سمتھ کے گھر کے باہر احتجاجی مظاہرے کا اعلان کردیا۔ اس بارے میں سماجی رابطے کی ویب سائٹ ٹوئٹر پر معروف صحافی احتشام الحق نے اپنے پیغام میں لکھا کہ ن لیگ کے ورکرز نے لندن میں جمائمہ گولڈ سمتھ کے گھر کے باہر اتوار کے روز مظاہرے کا اعلان کیا ہے۔ انہوں نے کہا کہ جمائمہ اور ان کے خاندان کا پاکستان کی سیاست سے کوئی لینا دینا نہیں ہے، لیگی کارکنوں کو بنی گالہ کے باہر احتجاج کرنا چاہیے۔دوسری طرف ن لیگ برطانیہ کے صدر زبیر گل نے اپنے ایک ویڈیو پیغام میں کہا ہے کہ اتوار کے روز دوپہر ایک بجے آئین شکن عمران خان کی سابق اہلیہ جمائمہ کے اس گھر کے باہر احتجاجی مظاہرہ کیا جائے گا جہاں اس کے تین بچے رہتے ہیں۔