لاہور( مانیٹرنگ ڈیسک /این این این آئی)وزیراعظم عمران خان کی زیر صدار پارلیمانی پارٹی کا اجلاس ہوا جس میں 139ارکان نے شرکت کی ہے ۔نجی ٹی وی جیو نیوز نے دعویٰ کیا ہے کہ گورنر ہاؤس میں وزیراعظم کی زیر صدارت پنجاب کی پارلیمانی پارٹی کا اجلاس ہوا۔

گورنر ہاؤس کے گیٹ پر تحریک انصاف اور ق لیگ کے 193 ارکان کے نام درج کروائے گئے تھے۔ گورنر ہاؤس کے گیٹ پر تحریک انصاف کے 183 جب کہ ق لیگ کے 10 ارکان کے نام لکھوائے گئ۔ واض رہے کہ پاکستان تحریک انصاف کی سنٹرل ایگزیکٹو کمیٹی نے پارلیمانی بورڈ تشکیل دینے کی منظوری دیدی۔ مرکزی پارلیمانی بورڈ ٹکٹوں سے متعلق پالیسی تشکیل دے گا جبکہ وزیراعظم عمران خان نے الیکشن کی تیاریاں تیز کرنے کی ہدایت بھی کر دی ۔وزیراعظم کی زیر صدارت سنٹرل ایگزیکٹو کمیٹی کا اجلاس ہوا جس میں پارلیمانی بورڈ تشکیل دینے کی منظوری دی گئی۔اجلاس سے گفتگو کرتے ہوئے عمران خان نے کہا کہ جلد از جلد امیدواروں اور ٹکٹوں کی تقسیم سے متعلق پالیسی بنائی جائے،امیدواروں کی سخت سکروٹنی کی جائے گی، پارٹی کے ساتھ مخلص افراد کو ہی ٹکٹیں دی جائیں گی ۔وزیراعظم عمران خان نے کہا کہ اپوزیشن میدان سے بھاگنے کے بہانے ڈھونڈ رہی،تمام انرجی امیدواروں کے بہتر انتخاب پر صرف کی جائے، پارٹی کے دیرینہ ورکرز کو ٹکٹیں دینے کو ترجیح دیں گے، مفاداتی اور ضمیر فروشوں کی میری پارٹی میں کوئی جگہ نہیں، ساڑھے تین سالوں میں غلطیوں سے بہت سیکھا،اب ان غلطیوں کو نہیں دہرایا جائے گا۔انہوں نے کہا کہ مخلص اور قربانیاں دینے والے کارکنوں کو آگے لایا جائے گا، اپنے لوگوں کی اکثریت کے ساتھ حکومت بنائیں گے۔