اسلام آباد (مانیٹرنگ ڈیسک )سینئر تجزیہ کار ہارون الرشید نے کہا ہے کہ قوم اب بھی یہ نہیں سمجھ رہی کہ ہو کیا رہا ہے ، یہ صرف ایک آدمی کو ہٹانے کا منصوبہ نہیں ہے ، یہ منصوبہ پاکستان کو امریکی سٹلائیٹ بنانے کا 1950کی طرز کا ہے ۔ سینئر صحافی ہارون الرشید نے کہا ہے کہ انڈیا نے یوکرین کی جنگ میں ان کی حمایت کا انکار کر دیا ، ہم نے امریکی موقف کی حمایت کر دی ۔ رجیم تبدیلی صرف پاکستان میں نہیں بلکہ ترک میں طیب اردوان کو بھی وہ ہٹانے کا فیصلہ کر چکے ہیں ۔ واضح رہے کہ قوم سے براہِ راست خطاب کرتے ہوئے وزیراعظم عمران خان نے انکشاف کیا تھا کہ 7 مارچ کو دھمکی آمیز خط امریکا نے بھیجا تھا جس پر وائٹ ہاؤس نے رد عمل دیتے ہوئے ان الزامات کو مسترد کردیا تھا۔