اسلام آباد (این این آئی)وزیراعظم عمران خان نے کہا ہے کہ حکومت گرانے والیحکومت بحال کروانا چاہتے ہیں، اپوزیشن رہنما باڈی لینگوئیج سے شکست خوردہ نظر آرہے ہیں۔وزیر اعظم عمران خان کی زیر صدارت کور کمیٹی کا اجلاس ہوا، جس میں مشاورت سے سابق چیف جسٹس گلزار احمد کا نام نگران وزیر اعظم کے لیے تجویز کیا گیا۔ذرائع کا کہنا ہے کہ اجلاس سے گفتگو کرتے ہوئے وزیر اعظم نے کہا کہ یہ لوگ اب ہمارا مقابلہ نہیں کرسکیں گے، یہ عوام کی عدالت میں جانے سیڈر رہے ہیں۔ عمران خان نے کہا کہ یہ ناجائز دولت کے ذریعے اقتدار میں آکر اپنے کیسز اور نیب ختم کرنا چاہتے ہیں، ہمیں حکومت سے زیادہ پاکستان کا مفاد عزیز ہے۔وزیراعظم نے کہا کہ آئندہ انتخابات کے لیے پارٹی کے تنظیمی ڈھانچے کو مضبوط بنائیں گے۔عمران خان نے عثمان بزدار کی تعریف کرتے ہوئے کہا کہ انہوں نے بطور وزیر اعلیٰ پنجاب بہترین کام کیا۔