اسلام آباد (مانیٹرنگ ڈیسک /این این آئی)عمران خان نے نگران وزیراعظم کا فیصلہ کرنے کیلئے بنی گالہ میں اجلاس شروع کر دیا۔ تفصیلات کے مطابق عمران خان کی زیر صدارت بنی گالہ میں سیاسی کمیٹی کا اجلاس ہوا ۔ اس اجلاس میں پرویز خٹک ،

شاہ محمود قریشی ، فواد چودھری اور باقی قریبی ساتھیوں نےشرکت کی ہے ۔ اجلاس میں نگران وزیراعظم کیلئے ناموں پر غور جاری ہے ۔ ذرائع کےمطابق عمران خان مختلف نام ڈسکس کر رہے ہیں نام سامنے نہیں آئے لیکن تین نام فائنل کرنے کے بعد اپوزیشن لیڈر کو بھجوائیں گے ۔ دوسری جانب تحریک انصاف کے رہنما شہباز گل نے کہاہے کہ نگران وزیراعظم کے آنے تک عمران خان ذمہ داریاں نبھائیں گے۔ تفصیلات کے مطابق عمران خان وزیر اعظم نہیں رہے ہیں اس حوالے سے کابینہ ڈویژن نے نوٹیفکیشن جاری کر دیا ہے۔نوٹیفکیشن کے مطابق صدر مملکت کی جانب سے آئین کے آرٹیکل 58 (1) کے تحت قومی اسمبلی تحلیل کرنے کے بعد عمران خان نیازی اب وزیراعظم نہیں رہے۔کابینہ نوٹیفکیشن کے مطابق عمران خان کے وزیراعظم نہ رہنیکے نوٹیفکیشن کا اطلاق فوری ہوگا۔اس معاملے پر تحریک انصاف کے رہنما شہباز گل کا کہنا ہے کہ یہی قاعدہ اور قانون ہے، اب اس لیٹر کے بعد آئین کے آرٹیکل 224A- (4) کے تحت نگران وزیراعظم کے آنے تک، عمران خان وزیراعظم کے طور پر اپنی ذمہ داریاں نبھائیں گے۔