اسلام آباد (مانیٹرنگ ڈیسک )چیف جسٹس آف پاکستان عمر عطا بندیال نے قومی اسمبلی کی صورتحال پر از خود نوٹس لے لیاہے اور چھٹی کے روز سپریم کورٹ کے دروازے کھو ل دیئے گئے ہیں ۔نجی ٹی وی جیوکے ذرائع کے مطابق قومی اسمبلی میں پیدا ہونے والی صورتحال سےمتعلق

جسٹس فائز عیسیٰ نے چیف جسٹس پاکستان کو خط لکھ کر کاروائی سے آگاہ کیا ۔ چیف جسٹس نے قاضی فائز عیسیٰ کے نوٹ پر ساتھی ججز کو مشاورت کیلئے گھر بلایا تھا ۔ دوسری جانب چیف جسٹس آف پاکستان جسٹس عمر عطا بندیال کی سربراہی میں 3 رکنی بینچ نے ریاستی عہدیداروں کو کسی بھی ماورائے آئین اقدام سے روک دیا۔ڈپٹی اسپیکر قومی اسمبلی قاسم سوری کی جانب سے اپوزیشن کی تحریک عدم اعتماد کو بغیر ووٹنگ کے مسترد کیے جانے کے بعد پیدا ہونے والی سیاسی صورت حال کے بعد چیف جسٹس پاکستان جسٹس عمر عطا بندیال نے ازخود نوٹس لیا۔چیف جسٹس پاکستان عمر عطا بندیال کی سربراہی میں تین رکنی بینچ نے معاملے پر سماعت کی۔ بینچ میں جسٹس محمد علی مظہر اور جسٹس اعجاز الاحسن شامل ہیں۔سماعت کے دوران سپریم کورٹ نے ریاستی عہدیداروں کو کسی بھی ماورائے آئین اقدام سے روک دیا اور کہا کہ سیاسی جماعتیں پر امن رہیں، کوئی ماورائے آئین اقدام نہ اٹھا یا جائے۔